لاہور : بانی پی ٹی آئی کی اہلیہ بشریٰ بی بی نے خفیہ مقدمات میں ممکنہ گرفتاری کو لاہورہائیکورٹ میں چیلنج کردیا۔
تفصیلات کے مطابق بانی پی ٹی آئی کی اہلیہ بشریٰ بی بی نے خفیہ مقدمات میں ممکنہ گرفتاری کیخلاف لاہور ہائی کورٹ میں درخواست دائر کردی۔
درخواست میں کہا گیا کہ اینٹی کرپشن، نیب ،ایف آئی اے میں انکوائری کی تفصیلات بھی فراہم نہیں کی جارہی ہیں ، استدعا ہے کہ عدالت تمام اداروں کومقدمات اورانکوائری کی تفصیلات فراہم کرنےکاحکم دے۔
درخواست میں کہنا تھا کہ بانی پی ٹی آئی کی اہلیہ کیخلاف مقدمات کی تفصیلات فراہم نہیں کی جارہی استدعا ہے کہ کسی بھی خفیہ مقدمےمیں ان کوگرفتارکرنے سے روکنے کا حکم دے۔
رجسٹرار آفس نے بانی پی ٹی آئی کی اہلیہ کی درخواست کوسماعت کیلئے مقرر کردیا، لاہورہائیکورٹ میں جسٹس طارق سلیم شیخ نے درخواست پر سماعت کی۔
لاہورہائیکورٹ نے دفتری اعتراض ختم کرتے ہوئے سماعت 24 جولائی کومقرر کرنے کی ہدایت کردی۔
