اسلام آباد : بانی پی ٹی آئی کی اہلیہ بشریٰ بی بی کے رات ساڑھے بارہ بجے ڈی چوک پرموجودگی کے دعویٰ کے اصل حقائق سامنے آگئے۔
تفصیلات کے مطابق بانی پی ٹی آئی کی اہلیہ بشریٰ بی بی کے رات ساڑھے بارہ بجے ڈی چوک پرموجودگی کے دعویٰ کی اصل حقیقت سامنے آگئیں۔
سابق خاتون اول کا رات ساڑھے بارہ بجے ڈی چوک پر موجودگی کا دعویٰ جھوٹا نکلا، زمینی حقائق نے بانی پی ٹی آئی کی اہلیہ کے دعوے کو غلط ثابت کردیا۔
رات ساڑھے آٹھ بجے بانی کی اہلیہ اور علی امین کلثوم پلازہ سے پیچھے ہٹ کر نادرا آفس پر تھے اور رات ساڑھے آٹھ بجے کے بعد ڈی چوک پر قیادت غائب اور کارکن شش وپنج میں تھے۔
بانی کی اہلیہ اورعلی امین گنڈا پورایک ہی گاڑی میں ڈی چوک سے نکلے، رات ساڑھے گیارہ بجے ڈی چوک پر صرف کارکن تھے جبکہ دونوں غائب تھے۔
رات گیارہ بج کرستاون منٹ پر بانی پی ٹی آئی کی اہلیہ کی گاڑی تبدیل کرنےکی فوٹیج بھی سامنے آئی ہے۔
ساڑھے گیارہ بجے ڈی چوک خالی کرانے کیلئے ایکشن ہوا اور دس منٹ میں علاقہ کلیئر کرا لیا گیا تاہم اکیلے چھوڑنے کا بشریٰ بی بی کا دعویٰ بھی حقیقت کے برعکس نکلا، علی امین نے بانی کی اہلیہ کو ڈی چوک سے نکالا اور اپنے ساتھ مانسہرہ پہنچایا۔
