پشاور : فوکل پرسن مشعال یوسفزئی نے بشریٰ بی بی کی جانب پارٹی کا ہنگامی اجلاس بلانے کی خبروں کی تردید کردی اور کہا وہ گھریلوخاتون ہیں سیاست سےکوئی تعلق نہیں۔
تفصیلات کے مطابق بانی پی ٹی آئی کی اہلیہ کی فوکل پرسن مشعال یوسفزئی نے بیان میں کہا کہ بشریٰ بی بی نےکوئی ہنگامی اجلاس نہیں بلایا، وہ گھریلوخاتون ہیں سیاست سےکوئی تعلق نہیں۔
اس سے قبل یہ خبر آئی تھی کہ بانی پی ٹی آئی کی اہلیہ نے پارٹی کا ہنگامی اجلاس طلب کرلیا، پارٹی ذرائع نے کہا تھا کہ وہ شبلی فراز،علی امین گنڈاپور کے ہمراہ سیاسی معاملات دیکھیں گی۔
ذرائع کا کہنا تھا کہ بانی پی ٹی آئی کی اہلیہ رہائی کے بعد آج پشاور میں ہنگامی اجلاس کی سربراہی کریں گی، عمرایوب، شبلی فراز اور علی امین گنڈاپور کو اجلاس میں طلب کر لیا گیا ہے۔
سینئر قیادت آج شام تک پشاورمیں اجلاس کے لئے پہنچے گی ، سینئرقیادت نےاجلاس بلائے جانے کی تصدیق کردی تھی اور کہا تھا کہ آج بشریٰ بی بی پارٹی کےمقدمات پربریفنگ لیں گی۔
