راولپنڈی : 24 سے 26 نومبر احتجاج پر درج 31 مقدمات میں بشریٰ بی بی کوآج شامل تفتیش کیے جانے کا امکان ہے۔
تفصیلات کے مطابق راولپنڈی کی اڈیالہ جیل میں راولپنڈی ڈویژن میں بشریٰ بی بی کے خلاف 24 سے 26 نومبر کے کے احتجاج پر درج 31 مقدمات کے معاملے پر بشری بی بی کو عدالت کے حکم پر آج مقدمات میں شامل تفتیش کئے جانے کا امکان ہے۔
ضلع راولپنڈی میں 10 مقدمات کے 6 جبکہ چکوال میں مقدمے کا ایک تفتیشی افسران اڈیالہ جیل پہنچ گئے ہیں جبکہ انسپکٹر راجہ افتخار، محمد افضل، راشد کیانی، حسنین، یعقوب شاہ، ممتاز، انسپکٹر علی اڈیالہ جیل پہنچے۔
بشری بی بی کے وکلاء بیرسٹر سلمان صفدر، فیصل ملک حسین مرتضی سنبل بھی اڈیالہ جیل پہنچ گئے ہیں۔
گزشتہ سماعت پر بشری بی بی نے شامل تفتیش ہونے کیلئے بانی پی ٹی آئی اور وکیل سے ملنے کی استدعا کی تھی، انھوں نے عدالت میں موقف اختیار کیا تھا کہ ملاقات کے بعد شامل تفتیش ہونے کے لئے تیار ہوں عدالت نے استدعا پر ایس او پی کے تحت جیل انتظامیہ کو ملاقات کا حکم دیا تھا۔
