ہفتہ, مئی 25, 2024
اشتہار

بانی پی ٹی آئی اور بشریٰ بی بی کی اڈیالہ جیل میں ملاقات

اشتہار

حیرت انگیز

راولپنڈی: عدالتی حکم پر بانی پی ٹی آئی اور بشریٰ بی بی کی اڈیالہ جیل میں ملاقات ہوئی ہے۔

تفصیلات کے مطابق عدالتی حکم پر اڈیالہ جیل میں بشریٰ بی بی اور بانی پی ٹی آئی کی ملاقات کرائی گئی، بشریٰ بی بی کو سخت سیکیورٹی میں بنی گالہ سے اڈیالہ جیل پہنچایا گیا۔

یہ ملاقات تقریباً ایک گھنٹہ جاری رہی، بشریٰ بی بی اور بانی پی ٹی آئی کی اڈیالہ جیل کے کانفرنس روم میں ملاقات ہوئی، بشریٰ بی بی کی بانی پی ٹی آئی سے ملاقات اسلام آباد ہائیکورٹ کے حکم پر کرائی گئی۔

- Advertisement -

بانی پی ٹی آئی کے حق میں کارکنان نے اڈیالہ جیل کے باہر مظاہرہ بھی کیا، جس کی قیادت پی ٹی آئی شمالی پنجاب کی صدر سیمابیہ طاہر کر رہی تھیں۔

دوسری طرف نکاح کیس میں سزا کے خلاف دائر اپیل میں دلائل دینے والے پراسیکیوٹر کا تبادلہ کر دیا گیا، رانا حسن عباس کی جگہ پراسیکیوٹر عدنان علی کو تعینات کر دیا گیا ہے۔

واضح رہے کہ آج وزیر اعلیٰ پنجاب مریم نواز کی ہدایت پر عید کے روز قیدیوں سے ان کے اہل خانہ کی ملاقات کی اجازت دی گئی، کیمپ جیل کے باہر لوگوں کا رش لگا رہا، ملاقاتیوں کا کہنا تھا کہ عید کے دن اپنوں سے ملاقات کی اجازت ملنے پر وزیر اعظم اور وزیر اعلیٰ پنجاب کے شکرگزار ہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں