The news is by your side.

Advertisement

عامر لیاقت کیلیے مسجد نبویﷺ میں دعا، بشریٰ اقبال نے ویڈیو شیئر کردی

کراچی: عامر لیاقت کی سابقہ اہلیہ بشریٰ اقبال نے مرحوم کے لیے مسجد نبویٰ ﷺمیں خصوصی دعا کی ویڈیو شیئر کردی ۔

بشریٰ اقبال نے فوٹو اور ویڈیو شیئرنگ ایپ انسٹاگرام پر ویڈیو شیئر کی جس میں عامر لیاقت کے دیرینہ دوست مسجد نبوی میں موجود ہیں اور مرحوم کی مغفرت کے لیے دعا کررہے ہیں۔

دعا کرتے ہوئے وہ کہتے ہیں کہ ’عامر لیاقت حسین کیلئے بہت دعا کی ہے جمعہ کا دن ہے اوور ان کی تدفین بہت ہی مبارک دن ہوئی اُن کی خواہش تھی کہ اُن کی تدفین جنت البقیع میں ہو اور انہیں مدینہ منورہ سے بہت لگاؤ تھا‘۔

بشریٰ اقبال نے انسٹاگرام پر ویڈیو شیئر کرتے ہوئے کیپشن میں لکھا کہ ’‏یہ دعا عصر کے وقت مسجد نبوی ﷺ سے مجھے میرے ایک بھائی اور عامر کے دیرینہ دوست نے اُس وقت بھیجی جب یہاں ان کی تدفین ہو رہی تھی‘۔

اُنہوں نے مزید لکھا کہ ’اللّٰہ پاک اس دعا کو عامر لیاقت کے حق میں قبول فرماۓ، آمین‘۔

یاد رہے کہ عامر لیاقت حسین کا انتقال 9 جون بروز جمعرات کو ہوا اور ان کی تدفین 10 جون کو عبداللہ شاہ غازی کے مزار کے احاطے میں کی گئی۔

Comments

یہ بھی پڑھیں