لاہور : تاجر رہنما کاشف چوہدری نے چیف جسٹس آف پاکستان عمر عطا بندیال سے چینی کے بحران پر ازخود نوٹس لینے کی اپیل کردی۔
تفصیلات کے مطابق تاجر رہنما کاشف چوہدری نے چینی کی بڑھتی قیمتوں کے حوالے سے کہا کہ چینی کا بحران ہر گزرتے دن کے ساتھ شدت اختیار کرتا جا رہا ہے، چینی کی قیمتوں میں اضافے کا ذمہ دار تاجر نہیں بلکہ مافیاز ہیں۔
کاشف چوہدری کا کہنا تھا کہ چینی کوئٹہ میں 230 روپے،پشاور میں 220 روپے فی کلو ہوگئی ہے پنجاب میں چینی 180 تا 200 روپے کلو تک جا پہنچی۔
- Advertisement -
تاجر رہنما نے کہا کہ چینی بحران کی ایک وجہ ڈھائی لاکھ میٹرک ٹن چینی ایکسپورٹ کرنے کا غلط فیصلہ تھا ، چینی کی قیمتوں میں اضافے کی وجہ سے قوم کو اربوں روپے کا ٹیکہ لگا دیا گیا۔
کاشف چوہدری نے اپیل کی کہ چیف جسٹس آف پاکستان چینی کے بحران پر ازخود نوٹس لیں۔
