لاہور : احتساب عدالت نے شہریوں سے سستی گاڑیوں کے نام پر فراڈ کرنے والے دو ملزمان کو جرم ثابت ہونے پر آٹھ آٹھ سال قید اور پانچ کروڑ سولہ لاکھ روپے جرمانے کی سزا سنا دی۔
تفصیلات کے مطابق احتساب عدالت کے جج اسد علی نے نیب ریفرنس پر فیصلہ سنادیا، مذکورہ مجرمان پر الزام تھا کہ وہ شہریوں سے تین لاکھ روپے سستی گاڑیوں کے نام پر رقم ایڈونس وصول کرتے اور شہریوں کو گاڑیاں فراہم نہ کرتے تھے۔
عدالت نے گواہوں کے بیانات قلمبند کرتے ہوئے فیصلہ سنا دیا عدالت نے مجرم شفیق حالی اور محمد اعظم کو اٹھ آٹھ سال قید اور پانچ کروڑ سولہ لاکھ روپے جرمانے کی سزا بھی سنائی، واضح رہے کہ نیب لاہور نے ملزمان کے خلاف ریفرنس دائر کیا تھا۔
