کراچی: صوبہ سندھ اورخیبرپختونخواہ میں بلدیاتی نشستوں پر ضمنی الیکشن کے لیے پولنگ کا وقت ختم، ووٹنگ کا عمل شروع ہوگیا۔
تفصیلات کے مطابق صوبہ سندھ اور خیبرپختونخواہ میں بلدیاتی نشستوں پرضمنی الیکشن کے لیے پولنگ کا آغاز صبح 8 بجے ہوا جو بلا تعطل شام 4 بجے تک جاری رہا۔
الیکشن کمیشن آف پاکستان کے مطابق خیبرپختونخواہ میں 364 اور سندھ میں 65 نشستوں پرپولنگ جاری رہی۔
سندھ کے 24 اضلاع میں ضمنی بلدیاتی الیکشن کے لیے 389 پولنگ اسٹیشنزقائم کیے گئے تھے جبکہ کراچی کے 6 اضلاع میں 26 نشستوں پر ووٹنگ ہوئی۔
یوسی چیئرمین، وائس چیئرمین اورکونسلرز کی سیٹوں پر انتخابات کا انعقاد ہوا، چیئرمینز کی 4 نشستیں رکن سندھ اسمبلی بننے والے ارکان نے خالی کیں، مجموعی طورپر سندھ بھر میں 5 لاکھ سے زائد ووٹرز نے حق رائے دہی استعمال کیا۔
پشاور میں ٹاؤن کونسلز کی سطح پر 6 خالی نشستوں پرضمنی الیکشن منعقد ہوا، بلدیاتی نشستوں پر ووٹنگ کے لیے 85 پولنگ اسٹیشنزقائم کیے گئے تھے۔
واضح رہے کہ انتخابی معرکے میں پاکستان تحریک انصاف، پیپلزپارٹی، ایم کیو ایم، اے این پی اور جماعت اسلامی سمیت دیگر سیاسی ومذہبی جماعتوں کے علاوہ آزاد امیدوار وں نے بھی معرکے میں شرکت کی۔
