The news is by your side.

Advertisement

پی ایس ایل 6: کیٹگری سی میں شامل ملک کے کھلاڑیوں کو پاکستان آنے کی اجازت

کراچی: سول ایوی ایشن اتھارٹی نے پاکستان کرکٹ بورڈ کی درخواست پر کیٹگری سی میں شامل ملک کی کرکٹ ٹیم کے کھلاڑیوں کو پاکستان آنے کی خصوصی اجازت دے دی۔

نمائندہ اے آر وائی نیوز کے مطابق پاکستان کرکٹ بورڈ نے پاکستان سپرلیگ کے سیزن 6 میں حصہ لینے والے سری لنکن کھلاڑیوں کی اجازت کے حوالے سے سول ایوی ایشن اتھارٹی کو درخواست ارسال کی تھی۔

پی سی بی کی درخواست پر سول ایوی ایشن اتھارٹی نے سری لنکن کھلاڑیوں کو پاکستان آنے کی خصوصی اجازت دی۔

مزید پڑھیں: پی ایس ایل سکس: کرونا پروٹوکولز مزید سخت کرنے کا فیصلہ

سول ایوی ایشن کی جانب سے سری لنکا سے تعلق رکھنے والے دس کھلاڑیوں کو پاکستان آنے کی اجازت دی گئی۔ اس ضمن میں ڈائریکٹر فضائی ٹرانسپورٹ عرفان صابر نے سری لنکن کھلاڑی کی آمد کا نوٹی فکیشن بھی جاری کیا۔

نوٹی فکیشن کے مطابق پی ایس ایل کا حصہ بننے والے سری لنکن کھلاڑی قطر ایئر ویز کی پرواز  سے کراچی پہنچیں گے اور 26 مئی کو چارٹر فلائٹ کے ذریعے لاہور سے لیگ کھیلنے کے لیے متحدہ عرب امارات روانہ ہوں گے، تمام کھلاڑی ایس او پیز پر مکمل عمل درآمد کریں گے۔

Comments

یہ بھی پڑھیں