کراچی: سول ایوی ایشن اتھارٹی نے اندرون ملک دوران پرواز فیس ماسک پہننے کی شرط ختم کردی۔
تفصیلات کے مطابق سول ایوی ایشن اتھارٹی نے نئی ٹریول ایڈوائزری جاری کردی، جس میں بتایا گیا کہ اندرون ملک دوران پروازفیس ماسک پہننےکی شرط ختم کردی گئی۔
نئی ٹریول ایڈوائزری میں کہا گیا ہے کہ 12سال اور 15 سال سے اوپر ویکسی نیٹڈ مسافر اندرون ملک فضائی سفرکرسکیں گے جبکہ 12سال سے کم عمرمسافر بغیرویکسین سرٹیفکیٹ سفر کرسکیں گے۔
یاد رہے رواں سال فروری میں سول ایوی ایشن اتھارٹی (سی اے اے) نے دوران پرواز کھانے پینے کی اشیا کی فراہمی پر عائد پابندی ختم کرنے کا اعلان کیا تھا۔
خیال رہے این سی او سی نے ملک میں کورونا صورتحال میں بہتری کے پیش نظر ماسک کا استعمال روکنے کی سفارش کی تھی۔
مراسلے میں کہا گیا تھا کہ ماسک استعمال روکنے بارے فیصلہ 28 مارچ کے اجلاس میں ہوا تھا، ملک بھر میں کورونا کی صورتحال مکمل کنٹرول میں ہےاور کورونا کیسز میں نمایاں کمی آ چکی ہے۔
