کراچی: سول ایوی ایشن اتھارٹی کی بدانتظامی کے باعث لاہور ایئر پورٹ پر اس وقت 3 ہزار سے زائد مسافر رش کے باعث شدید مشکلات کا سامنا کر رہے ہیں۔
تفصیلات کے مطابق لاہور کے علامہ اقبال ایئرپورٹ پر سی اے اے کی بدانتظامی کی وجہ سے 3 ہزار سے زائد مسافر ایئرپورٹ پر موجود ہیں اور بے پناہ رش کے باعث شدید پریشانی سے دوچار ہیں۔
سی اے اے نے ایک گھنٹے میں 13 پروازوں کو شیڈول کر دیا ہے، جس کی وجہ سے تمام شیڈول پروازوں کے مسافر بیک وقت لاہور ایئر پورٹ پہنچ گئے ہیں۔
ایک وقت میں اتنی تعداد میں مسافروں کی موجودگی کے باعث ایئرپورٹ پر بورڈنگ اور چیکنگ کاؤنٹرز پر مسافروں کو مشکلات کا سامنا ہے۔
