The news is by your side.

Advertisement

سی اے اے کی شجر کاری مہم : جناح ٹرمینل پر ایک لاکھ پودے لگا دیے گئے

کراچی : سول ایوی ایشن نے کراچی ایئرپورٹ پر شجرکاری مہم کا آغاز کردیا، جناح ٹرمینل پر ایک لاکھ پودے لگا دیے، تمام ہوائی اڈوں پر 30لاکھ پودے لگائے جائیں گے۔

تفصیلات کے مطابق سول ایوی ایشن (سی اے اے) کی جانب سے ملک بھر کی طرح کراچی ایئرپورٹ پر شجرکاری مہم کا آغاز کردیا گیا ہے، اس حوالے سے سیکریٹری ایوی ایشن اور ڈی جی سی اے اے نے پودا لگا کر مہم کا افتتاح کیا اس موقع پر ڈپٹی ڈی جی ایئرپورٹ سروسز، ڈپٹی ڈی جی اے ایس ایف ودیگر موجود تھے۔

میڈیا سے گفتگو کرتے ہوئے سیکریٹری ایوی ایشن حسن ناصر نے بتایا کہ سول ایوی ایشن نے جناح ٹرمینل پر ایک لاکھ پودے لگا دیے ہیں، جناح ٹرمینل پر3 لاکھ پودے لگائے جائیں گے، تمام ہوائی اڈوں پر30لاکھ پودے لگائے جائیں گے۔

سیکریٹری ایوی ایشن کا کہنا تھا کہ شجر کاری مہم میں پھولوں اور پھلوں کے پودے بھی شامل ہیں، ملک بھر کے ایئرپورٹس پر جدید سونک سسٹم نصب ہوں گے۔

انہوں نے کہا کہ طیاروں سے پرندوں کے ٹکرانے کے واقعات پر قابو پانے کیلئے برڈ شوٹر سسٹم کے پرانے طریقہ کار کو بتدریج ترک کردیا جائے گا، انہوں نے مزید بتایا کہ سی اے اے کی کلفٹن میں8ایکڑ اراضی پر پارک منصوبے میں شامل ہے۔

Comments

یہ بھی پڑھیں