کراچی: آل پاکستان کیبل اینڈ کنڈکٹرز مینوفیکچررز ایسوسی ایشن نے ایل سیز کھولنے کے لیے گورنر اسٹیٹ بینک کے نام مراسلہ لکھ دیا۔
اے آر وائی نیوز کے مطابق آل پاکستان کیبل اینڈ کنڈکٹرز مینو فیکچرررز ایسوسی ایشن نے گورنر اسٹیٹ بینک جمیل احمد کے نام لکھے گئے مراسلے میں کہا ہے کہ ایل سیز کھولنے کے لیے کمرشل بینکوں کو ہدایات جاری کی جائیں۔
مراسلے میں کہا ہے کہ اب تک کے تمام زیرالتوا ڈاکیومنٹس فوری ریلیز کیے جائیں مستقبل میں ایل سیزسے متعلق تمام رکاوٹیں دورکی جائیں تاکہ انڈسٹری کیلئےخام میٹریل کی درآمد جاری رکھی جاسکے۔
مراسلے میں کہا گیا ہے کہ خام مال کی کمی سے مسائل درپیش ہیں، نیشنل گرڈ سمیت اہم تنصیبات، صنعتی ورہائشی عمارتوں کی تعمیرکیبل انڈسٹری کے بغیرناممکن ہے۔
آل پاکستان کیبل اینڈ کنڈکٹرز مینو فیکچررز ایسوسی ایشن کا کہنا ہے کہ کیبل انڈسٹری بڑے پیمانے پر روزگار کی فراہمی اور زرمبادلہ بچانے میں بھی اہم کردارادا کررہی ہے اس لیے ای پی ڈی سرکلرمیں تبدیلی لائی جائے اور را مٹیریل کی درآمد کی ایل سیز کھولنے کی اجازت دی جائے۔
مراسلے میں کہا گیا ہے کہ حکومت کی سولر انرجی پرمنتقلی کی پالیسی کی تکمیل کے لیے بھی کیبل انڈسٹری کی ترقی ناگزیر ہے۔
