The news is by your side.

Advertisement

ایک ہی روز بینک میں دو مرتبہ ڈکیتی کرنے والے کیساتھ کیا ہوا؟

واشنگٹن : امریکی ریاست کیلیفورنیا میں 24 گھنٹے کے دوران ایک ہی بینک میں دو مرتبہ ڈکیتی کرنے والا ملزم مشکل میں پھنس گیا۔

غیر ملکی میڈیا رپورٹ کے مطابق بینک ڈکیتی کی دلچسپ واردات امریکی ریاست کیلیفورنیا کے شہر فاؤنٹین ویلی میں پیش آئی جہاں ایک ملزم نے پیر کے روز بینک میں داخل ہوکر خطیر رقم لوٹ لی لیکن شاید ملزم کو وہ رقم بھی کم لگی۔

براؤن نامی ملزم 24 گھنٹے کے اندر اندر دوبارہ اسی برانچ میں گیا تاکہ مزید رقم لوٹ سکے لیکن اس مرتبہ قسمت میں ساتھ نہیں دیا اور ملزم پولیس کے ہاتھوں گرفتار ہوگیا۔

کیلیفورنیا پولیس کا کہنا ہے کہ ملزم ڈکیتی کی متعدد وارداتوں میں ملوث ہونے کے مقدمات کا سامنا کررہا ہے اور اورنج کاؤنٹی سے 1 لاکھ 70 ہزار ڈالر کی ضمانت پر رہا ہے۔

خیال رہے کہ رواں برس جون میں ایسا ہی ایک واقعہ نیویارک میں پیش آیا تھا جہاں ایک ملزم کو ضمانت پر رہائی ملی تو ملزم بغیر وقت ضائع کیے دوبارہ اسی بینک میں ڈکیتی کی واردات کرنے پہنچ گیا تھا۔

Comments

یہ بھی پڑھیں