اسلام آباد : تحریک انصاف کے رہنما فواد چوہدری کا کہنا ہے کہ تحریک انصاف کو فنڈ کرنے والے پاکستانیوں کے خلاف مہم چلائی جارہی ہے۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ حکومتی اتحاد کی اوورسیز پاکستانیوں سے نفرت سمجھ سے بالاتر ہے، بیرون ملک مقیم پاکستانیوں کے ووٹنگ کا حق ختم کیا گیا۔
فواد چوہدری کا کہنا تھا کہ تحریک انصاف کو فنڈ کرنے والے پاکستانیوں کے خلاف مہم چلائی جارہی ہے، بیرون ملک مقیم پاکستانی ہماری معیشت کےلیے ریڑھ کی ہڈی کی حیثیت رکھتے ہیں۔
موجودہ حکومتی اتحاد کی اوورسیز پاکستانیوں سے نفرت سمجھ سے بالاتر ہے، بیرون ملک مقیم پاکستانیوں کے ووٹنگ کا حق ختم کیا گیااب پاکستانی جو تحریک انصاف کو فنڈ کرتے ہیں ان کے خلاف کمپین چلائ جا رہی ہے،ہمارے نزدیک بیرون ملک مقیم پاکستانی ہماری معیشت کیلئے ریڑہ کی ھڈی کی حیثیت رکھتے ہیں
— Ch Fawad Hussain (@fawadchaudhry) July 30, 2022
رہنما پی ٹی آئی نے مزید لکھا "تحریک انصاف فنڈنگ کےلیےکسی مافیا پر انحصار نہیں کرتی، اوور سیز پاکستانی اور عام پاکستانی تحریک انصاف کو فنڈ کرتے ہیں، ہم فنڈنگ کا یہ ہی طریقہ جاری رکھیں گے۔”
ان کا کہنا تھا کہ الیکشن کمیشن تینوں جماعتوں کی فنڈنگ کافیصلہ اکٹھا جاری کرے تا کہ لوگ موازنہ کر سکیں۔
حکمران اتحاد جو خود ایک مافیا ہے تحریک انصاف فنڈنگ کیلئے کسی مافیا پر انحصار نہیں کرتی بلکہ اوور سیز پاکستانی اور عام پاکستانی تحریک انصاف کو فنڈ کرتے ہیں ہم فنڈنگ کا یہ ہی طریقہ جاری رکھیں گے، الیکشن کمیشن تینوں جماعتوں ک فنڈنگ کا فیصلہ اکٹھا جاری کرے تا کہ لوگ موازنہ کر سکیں
— Ch Fawad Hussain (@fawadchaudhry) July 30, 2022
ْ