The news is by your side.

Advertisement

کینیڈا نے پڑوسی ملک کے شہریوں‌ کو خوش خبری سنادی

اوٹاوا: کینیڈا نے بھارت پر عائد سفری پابندیاں ختم کرنے کا اعلان کرتے ہوئے براہ راست پروازوں کی اجازت دے دی۔

بین الاقوامی میڈیا رپورٹ کے مطابق کینیڈا کی حکومت نے اتوار کے روز بھارت سے براہ راست پروازوں پر عائد پابندیاں ختم کرتے ہوئے مسافروں کے لیے نئے ضوابط کا اعلان کیا۔

محکمہ ٹرانسپورٹ کی جانب سے جاری اعلامیے میں بتایا گیا ہے کہ بھارت پر عائد پابندی ختم ہونے کے بعد 27 ستمبر 2021 سے براہ راست پروازوں کا سلسلہ شروع ہوجائے گا، مسافروں کو سفری ہدایت نامے پر عمل کرنا ہوگا‘۔

محکمہ ٹرانسپورٹ نے بتایا کہ بھارت سے آنے والے مسافروں کو دہلی ہوائی اڈے کی ایک منظور شدہ لیبارٹری سے 18 گھنٹے پہلے کرونا کی منفی رپورٹ حاصل کرنی ہوگی جبکہ ویکسین کی دونوں‌ خوراکیں‌ بھی لازمی ہیں۔

یاد رہے کہ کینیڈا کی حکومت نے کرونا کے پیش نطر بھارت پر اپریل میں سفری پابندیاں عائد کیں تھیں، جس کے بعد دو طرفہ پراوزوں کا سلسلہ بند ہوگیا تھا، بعد ازاں حکومت نے پابندی میں توسیع بھی کی تھی۔

کینیڈا میں تعینات بھارتی سفیر نے سفری پابندی ختم ہونے کو خوش آئند قرار دیتے ہوئے کہا کہ ’یہ فیصلہ دونوں ممالک کے درمیان رابطوں کو معمول پر لانے کا فیصلہ کن قدم ہے‘۔

دوسری جانب کینیڈا کی فضائی کمپنی نے حکومتی اعلان کے بعد 27 ستمبر سے بھارت سے پروازیں شروع کرنے کا اعلان کردیا جبکہ ایئرانڈیا نے تیس ستمبر سے کینیڈا کے لیے پروازیں شروع کرنے کا اعلان کیا ہے۔

Comments

یہ بھی پڑھیں