کینیڈا کے وزیرِ اعظم مارک کارنی کا کینیڈا و امریکا کے تعلقات سے متعلق بڑا بیان سامنے آیا ہے، اُن کا کہنا ہے کہ ہمارے اور امریکا کے درمیان پرانے تعلقات ختم ہو گئے۔
غیر ملکی ذرائع ابلاغ کے مطابق کینیڈا کے وزیر اعظم مارک کارنی نے اعلان کیا ہے کہ امریکا کے ساتھ گہرے اقتصادی، سیکیورٹی اور عسکری تعلقات کے دور کا خاتمہ ہوچکا ہے۔
مارک کی جانب سے یہ بیان اس وقت سامنے آیا جب امریکی صدر ڈونلڈ ٹرمپ نے گاڑیوں کی درآمد پر بھاری محصولات عائد کرنے کا اعلان کیا ہے۔
امریکی صدر کی جانب سے امریکا میں گاڑیوں کی درآمد پر 25 فیصد ٹیکس عائد کر دیا گیا ہے، جو آئندہ ہفتے سے نافذ العمل ہو گا۔
ماہرین کا کہنا ہے کہ یہ اقدام کینیڈا کی آٹو انڈسٹری کے لیے تباہ کن ثابت ہو سکتا ہے، جس سے تقریباً پانچ لاکھ افراد وابستہ ہیں۔
وزیرِ اعظم کارنی نے ٹرمپ کے اعلان کے بعد اپنی انتخابی مہم معطل کر دی اور اوٹاوا واپس پہنچ کر کابینہ کے ارکان کے ساتھ ہنگامی اجلاس منعقد کیا، جس میں امریکا کے ساتھ تجارتی جنگ کے خلاف حکمتِ عملی پر غور کیا گیا۔
امریکی صدر کے آٹو ٹیرف کو بلا جواز قرار دیتے ہوئے اُن کا کہنا تھا کہ یہ دونوں ممالک کے درمیان موجودہ تجارتی معاہدوں کی خلاف ورزی ہے، انہوں نے خبردار کیا کہ امریکی صدر نے امریکا کے ساتھ تعلقات کو مستقل طور پر تبدیل کر دیا ہے اور مستقبل میں کسی بھی تجارتی معاہدے کے باوجود واپسی کا کوئی راستہ نہیں بچا ہے۔
زیلنسکی کی پیوٹن کی زندگی سے متعلق حیران کن پیشگوئی
اُن کا مزید کہنا تھا کہ امریکا کے ساتھ ہمارا پرانا تعلق جو ہماری معیشتوں کے درمیان بڑھتے ہوئے انضمام اور قریبی سیکیورٹی و عسکری تعاون پر مبنی تھا، اس کا اختتام ہوچکا ہے۔
