اوٹاوا: کینیڈین وزیراعظم جسٹن ٹروڈو نے اتفاقی طور پر اپوزیشن خاتون رکن کو کہنی لگنے پر معافی مانگ لی،ان کا کہنا تھا کہ میرا خاتون رکن کو تکلیف پہچانے کا ارادہ نہیں تھا.
تفصیلات کے مطابق بدھ کے روز پارلیمنٹ میں ڈاکٹر کے تعاون سے خودکشی کرنے کے قانون سازی پر بحث کی جارہی تھی، اسی دوران کینڈین وزیراعظم اپنی سیٹ سے اُٹھ کر گئے اور اپوزیشن رکن گورڈ براؤن کو پکڑ کر اپنے ساتھ لے گئے تاکہ ووٹنگ کے ذریعے قانون سازی کی جاسکے.
ڈیموکریٹک پارٹی کی خاتون رکن ایلن کا کہنا تھا کہ ان کو وزیراعظم کی کہنی لگی جب وہ اپوزشن رکن گورڈ براؤن کو لیکر جارہے تھے.
ڈیموکریٹک پارٹی کے سربراہ ٹام نے وزیراعظم جسٹن ٹروڈو پر شدید تنقید کی جس کے بعد پارلیمنٹ میں ماحول گرم ہوگیا.
وزیراعظم نےبعد میں وضاحت کرتے ہوئے کہا کہ وہ اراکین سے بات چیت کے لیے آئے تھے اور جب وہ اپوزیشن رکن کو اپنے ساتھ لے کر جارہے تھے کہ ان کی کہنی خاتون رکن کو لگ گئی اُن کا کسی کو مارنے کا کوئی ارادہ نہیں تھا، لیکن میں اُن سے معذرت کرتا ہوں.
یہ ناخوشگوار واقعہ اس وقت پیش آیا تھا جب حکومت کی جانب سے پارلیمنٹ میں قانون سازی کی جارہی تھی کہ بالغ مریضوں کو ڈاکٹرز کے تعاون کے ساتھ زندگی ختم کرنےکی اجازت دی جائے.
