کینیڈا کی وزیرخارجہ کا کہنا ہے کہ غزہ پر موقف تبدیل نہیں ہوا، غزہ کے دو ریاستی حل کی حمایت کرتے ہیں۔
بین الاقوامی خبر رساں ادارے کی رپورٹ کے مطابق سوشل میڈیا پر ایک پوسٹ میں کینیڈا کے وزیر خارجہ میلانی جولی نے کہا کہ وہ غزہ کے دو ریاستی حل کے حصول کے لیے پرعزم ہیں۔
واضح رہے کہ یورپی یونین بھی اسرائیل فلسطین مسئلے کے دو ریاستی حل کے موقف پر قائم ہے، اس کا کہنا ہے غزہ مستقبل کے فلسطین کا لازمی حصہ ہے۔
مصری صدر عبدالفتح السیسی کا کہنا ہے کہ بین الاقوامی برادری کو مسئلہ فلسطین کے دو ریاستی حل کی ذمہ داری ادا کرنی چاہیے۔
رپورٹس کے مطابق ٹرمپ کے گزشتہ روز غزہ پر قبضے کے بیان کے بعد دنیا کے مختلف ممالک کی جانب سے سخت رد عمل کا اظہار کیا گیا تھا، چین کی جانب سے بھی ٹرمپ کے بیان کی مخالفت کی گئی ہے۔
رپورٹ کے مطابق چین سے جاری بیان میں چینی وزارت خارجہ نے امریکی صدر ڈونلڈ ٹرمپ کے قبضے کے بیان پر ردعمل دیا ہے۔
امریکا سے غیرقانونی مقیم 104 بھارتی ہتھکڑیاں لگا کر ڈی پورٹ
چینی وزارت خارجہ کا کہنا ہے کہ غزہ پٹی سے فلسطینیوں کے جبری انخلا کی مخالفت کرتے ہیں۔ فلسطین پر فلسطینیوں کی حکمرانی بنیادی اصول ہے، وہاں کے باشندوں کی جبری منتقلی کے مخالف ہیں۔
