آپ نے اکثر اہم شاہراہوں پر سڑک پار کرنے اور پیدل چلنے والوں کیلئے پیڈسٹیرین برج دیکھے ہوں گے، اسی سلسلے میں مقامی حکومتیں مضبوط اور خوبصورت برج قائم کرنے کیلئے اقدامات کرتی ہیں۔
اس حوالے سے کینیڈا کے صوبے اونٹاریو کے ایک ہائی وے پر پیدل چلنے والوں کے لیے بنایا گیا 820 فٹ طویل برج بناگیا ہے جسے دنیا کا طویل ترین اینکلوژڈ پیڈسٹیرین برج کے طور پر گینیز ورلڈ ریکارڈ میں شامل کرلیا گیا ہے۔
دی پکرنگ پیڈسٹیرین برج جو کہ میٹرو لنکس نامی کمپنی نے اونٹاریو کے ہائی وے401 پر تعمیر کیا ہے، اس برج کے طویل ترین ہونے کے سلسلے میں گینیز نے اس کی سرکاری طور پر پیمائش کے بعد تصدیق کرتے ہوئے اسے دنیا کا طویل ترین اینکلوژڈ پیڈسٹیرین برج قرار دیا ہے۔
برج کی تعمیر کرنے والی کمپنی کی ترجمان اینی میری ایکنز نے کہا کہ یہ برج ستمبر 2018 میں مکمل ہوا تھا اور ٹرانزٹ ایجنسی نے اس کی طوالت کے حوالے سے گینیز سے عالمی ریکارڈ کے لیے 2020 میں رابطہ کیا تھا۔ اور اب ایک برس بعد اس کی منظوری مل گئی ہے۔
یہ برج پکرنگ گو ٹرین اسٹیشن کو پکرنگ ٹائون سینٹر سے ملاتا ہے اور یہ ہائی وے کے 14 لین، چھ ریلویز ٹریکس اور ایک عام سڑک کے اوپر پھیلا ہوا ہے۔
