لندن / اوٹاوا : برطانیہ اور کینیڈا کے وزرائے اعظم نے عیدالاضحٰی پر مسلمانوں کو مبارکباد پیش کی اور نیک خواہشات کا اظہار کیا۔
تفصیلات کے مطابق کینیڈا کے وزیراعظم جسٹن ٹروڈو نے عیدالاضحٰی پر مسلمانوں کو مبارکباد پیش کی اور اپنے ویڈیو پیغام کا آغاز اسلام وعلیکم سے کیا۔
جسٹن ٹروڈو نے کہا کہ آج کینیڈا اور دنیا بھر میں مسلمان عید الاضحیٰ منا رہے ہیں، لہذا تمام تر احتیاطی تدابیر اختیار کریں، سماجی فاصلے کا خیال کریں اور ہاتھوں کو بار بار دھوئیں۔
کینیڈین وزیراعظم نے وباء کےدوران مسلمانوں کے کردار کو سراہتے ہوئے کہا میں جانتا ہوں کہ اس سال تہوار مختلف ہوں گے ، لیکن میں امید کرتا ہوں کہ آپ کو عید الاضحی کی خوشی ہوگی ،میرےاور میرے خاندان کی طرف سے عید مبارک۔
To all Muslim Canadians beginning their celebrations tonight: Eid Mubarak! I know festivities will be different this year, but I hope you have a happy Eid al-Adha no matter how you celebrate. https://t.co/zVsKhwWGUP pic.twitter.com/f6CYv479kO
— Justin Trudeau (@JustinTrudeau) July 30, 2020
برطانوی وزیراعظم بورس جانسن نے عید پر مسلمانوں کیلئے خصوصی پیغام میں کہا کہ لاک ڈاؤن میں مسلمانوں کےتعاون پرشکرگزارہوں، کوروناکےباعث مساجدکی بندش سےمسلمانوں کو مشکلات ہوئیں، کورونا کے پھیلاؤ میں کمی آئی مگرکیسز ابھی ختم نہیں ہوئے۔
بورس جانسن کا کہنا تھا کہ نماز عید کےدوران احتیاطی تدابیر پر مکمل عمل کیا جائے، عید کے باعث گھروں میں میل ملاپ میں احتیاط برتیں۔