ٹورنٹو : کینیڈا میں مسلم کمیونٹی عیدالااضحی آج مذہبی جوش وجذبے کے ساتھ منارہی ہے، کینیڈین وزیراعظم نے کینیڈا سمیت دنیا بھر کے مسلمانوں کو عیداالاضحی کی مبارکباد دی ہے۔

کینیڈین وزیراعظم جسٹن ٹروڈو نے عیدالاضحی کے موقع پر اپنے ویڈ یو پیغام میں کینیڈا سمیت دنیا بھر کے مسلمانوں کو حج اور عیدالاضحی کی مبارکباد پیش کرتے نیک تمناؤں کا اظہار کیا ۔

انہوں نے کہا عید محبت اور اتفاق کا در س دیتی ہے اور یہ خاص موقع ہے جب مسلمان نماز عید کے بعد دوست احباب اور خاندان والوں ایک جگہ جمع ہوتے ہیں، ایک ساتھ کھانا کھاتے ہیں اور ایک دوسرے کو تحائف دیتے ہیں۔

جسٹن ٹروڈو کا مزید کہنا تھا کہ یہ وہ وقت ہے جب ہم قربانی اور خیرات سے سبق سیکھیں اور زندگی میں عطا کی گئی نعمتوں کا شکریہ ادا کریں۔

کینیڈین وزیراعظم نے کہا کہ اپنی فیملی اور اپنی اہلیہ صوفی کی جانب سے تمام مسلمانوں کو دل کی گہرائیوں سے عید کی بہت مبارک باد دیتا ہوں۔

Eid Mubarak! Sending my best wishes to Muslims celebrating Eid al-Adha & the end of the Hajj today. https://t.co/UjUx5gg0dE pic.twitter.com/4gsVb3gA0a

— Justin Trudeau (@JustinTrudeau) August 31, 2017

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔