ٹورنٹو: کینیڈین وزیراعظم جسٹن ٹروڈو نے دنیا بھر کے مسلمانوں کو عید الفطر کی مبارک باد دیتے ہوئے کہا کہ ایک مہینے کی نماز اور روزے کے بعد عید کے جشن کا وقت ہے۔
تفصیلات کے مطابق کینیڈین وزیر اعظم جسٹن ٹروڈو نے ہر سال کی طرح اس سال بھی سوشل میڈیا پر کینیڈا سمیت دنیا بھر کے مسلمانوں کیلئے عید پر اپنے محبت بھرے پیغام دیا۔
جسٹن ٹروڈو نے پیغام کے آغاز میں السلام علیکم کہہ کر عالم اسلام کو عیدکی مبارک باد دیتے ہوئے کہا رمضان المبارک امت مسلمہ کے لیے ایک اہم وقت ہے۔۔ ایک مہینے کی نماز، روزے کے بعد عید کے جشن کا وقت ہے۔
Eid Mubarak! I’m sending my warmest wishes to all Muslims who are celebrating Eid al-Fitr and marking the end of Ramadan. After a month of prayer, fasting, and giving back, I hope you’re able to enjoy this time of celebration and community. https://t.co/179sOfVl39 pic.twitter.com/EwBFeTv5PJ
— Justin Trudeau (@JustinTrudeau) May 1, 2022
کینیڈین وزیر اعظم نے کہا کہ رمضان المبارک کے بعد عید دوستوں اور رشتے داروں کے ساتھ مل کر خوشیاں منانے کا دن ہے، کورونا کے باعث پچھلے دو سال ہم سب کے لیے چیلنج بھرے رہے ہیں لیکن اسلام کے بنیادی اقدار، سخاوت، امن، شکر گزاری اور ایک دوسرے سے ہمدردی کے جذبے نے وباء کا سامنا کرنے اور آگے بڑھنے کا حوصلہ فراہم کیا۔
جسٹن ٹروڈو نے ملک کی تعمیر و ترقی میں مسلمانوں کے کردار کو سراہتے ہوئے انھیں معاشرے کا اہم حصہ قرار دیا۔
واضح رہے کہ دنیا کے بہت سے ممالک کی طرح کینیڈا میں بھی آج عیدالفطرمنائی جائے گی۔
