کینیڈین وزیراعظم کی جانب سے دنیا بھرکے مسلمانوں کوعید مبارک -
The news is by your side.

Advertisement

کینیڈین وزیراعظم کی جانب سے دنیا بھرکے مسلمانوں کوعید مبارک

ٹورنٹو: کینیڈین وزیراعظم جسٹن ٹروڈو نے کینیڈا سمیت دنیا بھر کے مسلمانوں کو عیدالاضحیٰ کی مبارکباد دی ہے، ان کا کہنا تھا کہ یہ ضرورت مندوں کے لیے ایثار کا درس دینے والا تہوار ہے۔

تفصیلات کے مطابق کینیڈین وزیر اعظم جسٹن ٹروڈو نے ہر سال کی طرح اس سال بھی سوشل میڈیا پر کینیڈاسمیت دنیا بھر کے مسلمانوں کو تہنیتی ویڈیو پیغام دیتے ہوئے کہا ہے،’’ اسلام وعلیکم، آج کینیڈا میں مقیم مسلمانوں سمیت دنیا بھر کے مسلمان حج کے اختتام پرعید الاضحیٰ منارہے ہیں۔

عید الاضحیٰ ہمیں قربانی کا درس دیتی ہے، اس تہوار پر مسلمان ایک ساتھ اکھٹے ہوکرعبادت کرتے ہیں، کھانا شیئر کرتے ہیں اور خدا کی دی ہوئی نعمتوں کا شکر ادا کرتے ہیں۔ ان کا کہنا تھا کہ آج کا دن یہ اعتراف کا دن ہے کہ کس طرح دنیا کے مختلف ملکوں سے تعلق رکھنے والے مسلمان کینیڈا کو اپنا وطن سمجھ کر اس ملک کی تعمیر و ترقی میں حصہ لے رہے ہیں‘‘۔

جسٹن ٹروڈو نے مزید کہا کہ ’’آج کا دن ہم یہاں مقیم مسلم کمیونٹی کے ساتھ گزاریں گے اور یہ ہماری طرف سے یہاں رہنے والے مسلمانوں کی پذیرائی کا ایک ذریعہ ہوگا‘‘ ، انہوں نے اپنی اور اپنی اہلیہ صوفی کی جانب سے تمام مسلمانوں کو عید الاضحیٰ کی مبارکباد دی اور اپنے مخصوص لہجے میں ’’عید مبارک‘‘ کہا ۔

Comments

comments

یہ بھی پڑھیں