قومی کرکٹ ٹیم کے کپتان بابر اعظم، وکٹ کیپر  محمد رضوان سمیت دیگر کرکٹرز حج کی ادائیگی کے لیے سعودی عرب پہنچ گئے ہیں۔

اس سال قومی ٹیم سے بابر اعظم، محمد رضوان، افتخار احمد، فہیم اشرف اور فخر زمان حج کی سعادت حاصل کریں گے جبکہ سابق کرکٹر انضمام الحق بھی مدینہ منورہ میں موجود قومی کرکٹرز کے ہمراہ ہیں۔

https://twitter.com/rizbaristann/status/1670367835611361281?s=20

رپورٹ کے مطابق بابر اعظم اس سفر میں اپنی والدہ کے ہمراہ گئے ہیں جبکہ محمد رضوان اپنی والدہ اور بیوی دونوں کے ساتھ سعودی میں موجود ہیں۔

https://twitter.com/Babarazam56_FC/status/1670575453667577857?s=20

واضح رہے کہ پاکستان کرکٹ بورڈ (پی سی بی) نے بابراعظم اور محمد رضوان کو لاہور میں جاری تربیتی کیمپ میں شرکت سے مستثنیٰ قرار دیتے ہوئے خصوصی اجازت دی تھی۔

دونوں کھلاڑی سری لنکا کے خلاف آئندہ ٹیسٹ ٹور کی تیاری کے لیے جولائی کے پہلے ہفتے میں کراچی میں دوبارہ ٹیم جوائن کریں گے۔