The news is by your side.

Advertisement

کیپٹن (ر) صفدر کا چیف جسٹس کے دورہ بالا کوٹ کا خیر مقدم

اسلام آباد: سابق وزیر اعظم نواز شریف کے داماد کیپٹن (ر) صفدر نے چیف جسٹس کے دورہ بالا کوٹ کا خیر مقدم کرتے ہوئے کہا ہے کہ چیف جسٹس کے جانے کا علم ہوتا تو میں خود وہاں پہنچ جاتا۔

ان خیالات کا اظہار انہوں نے میڈیا سے گفتگو کرتے ہوئے کیا، کیپٹن (ر) صفدر نے کہا کہ چیف جسٹس کو چاٹی کی لسی، ساگ اور ٹراؤٹ کھلاتا، ہم ہزارہ وال غریب مگر مہمان نواز ہوتے ہیں۔

انہوں نے کہا کہ تاریخ میں پہلی بار کوئی چیف جسٹس ہزارہ کے دورے پر نکلے ہیں، چیف جسٹس ہماری کارکردگی دیکھ کر ہمیں بھی شاید ہیرے کہہ دیں۔

کیپٹن (ر) صفدر نے کہا کہ دکھ ہے چیف جسٹس ثاقب نثار بالا کوٹ گئے ہیں اور میں یہاں اسلام آباد میں ہوں، شاید چیف جسٹس کے قدم پڑنے سے ہمارے مسائل حل ہوجائیں۔

واضح رہے کہ چیف جسٹس ثاقب نثار زلزلہ متاثرین کو امداد کی عدم فراہمی اور بالاکوٹ میں اسکول اور اسپتال تعمیر نہ کرنے کے حوالے سے بالاکوٹ پہنچے ہیں۔

مزید پڑھیں: مارشل لاء کی بات کرنے والوں کو بھی کٹہرے میں لایا جائے، کیپٹن صفدر

یاد رہے کہ چند روز قبل کیپٹن (ر) صفدر کا احتساب عدالت میں پیشی کے بعد میڈیا سے گفتگو کرتے ہوئے کہنا تھا کہ چیف جسٹس پہلے شیخ رشید کے بیانات کا جائزہ لیں، مارشل لاء کی بات کرنے والوں کو پہلے کٹہرے میں کھڑا کیا جائے، شیخ رشید ووٹ سے کئی بار نااہل ہوچکے ہیں مگر امپائر کھڑا کردیتا ہے۔

ان کا کہنا تھا کہ ملک سیاست دانوں نے بنایا ان کو سیاست کرنے دی جائے، بظاہر حکومت کے پس پردہ بھی کچھ اور لوگ ہوتے ہیں، پی سی او کے تحت حلف لینے والوں کا احتساب بھی ہونا چاہئے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں