لاہور : مسلم لیگ ن کے قائد نواز شریف نے داماد کیپٹن(ر) صفدر کا کہنا ہے کہ قمرجاویدباجوہ اب کسی شادی،تعزیت، بازارجانےکے قابل بھی نہیں، ان کی مداخلت نے ملک سے آٹا ختم کر دیا۔
تفصیلات کے مطابق مسلم لیگ ن کے قائد نواز شریف نے داماد کیپٹن(ر) صفدر نے عدالت میں پیشی کا موقع پر میڈیا سے گفتگو کرتے ہوئے کہا کہ مختلف ادوار میں کی گئی مداخلت سے ملک کوناقابل تلافی نقصان ہوا، قمر جاوید باجوہ کی مداخلت نے ملک سے آٹا ختم کر دیا۔
کیپٹن(ر) صفدر نے تنقید کرتے ہوئے کہا کہ پرویزمشرف کی مداخلت سے ملک کو ناقابل تلافی نقصان پہنچا، قمرجاویدباجوہ اب کسی شادی،تعزیت، بازارجانےکے قابل بھی نہیں۔
انھوں نے سوال کیا کہ کیا ضیاالحق،پرویز مشرف،قمرجاوید باجوہ اور فیض حمیدنے ٹھیک کیا؟
کیپٹن(ر) صفدر کا کہنا تھا کہ جنہوں نے ہماری حکومت کو ڈی ریل کیا ان پر آرٹیکل سکس لگے گا، جن ججز،جرنیلوں نے پاکستان کو اس حالت میں پہنچایا سب کو بے نقاب کریں گے۔
انھوں نے بتایا کہ مریم صفدر واپس آنے والی ہیں ،نواز شریف آمد پر شاندار استقبال ہوگا، 29جنوری کو مریم نواز شام 4 بجے لاہور ائیرپورٹ پہنچیں گی، مریم نواز پاکستان آکر سازش کرنے والوں کوبے نقاب کریں گی۔
