کیپٹن (ر) صفدرپمزاسپتال سے اڈیالہ جیل منتقل -
The news is by your side.

Advertisement

کیپٹن (ر) صفدرپمزاسپتال سے اڈیالہ جیل منتقل

راولپنڈی : سابق وزیراعظم نواشریف کے داماد کیپٹن ریٹائرڈ صفدر کو پمزاسپتال سے اڈیالہ جیل منتقل کردیا گیا۔

تفصیلات کے مطابق کیپٹن ریٹائرڈ صفدر کو طبعیت بہترہونے پرپمزاسپتال سے اڈیالہ جیل منتقل کردیا گیا۔

کیپٹن (ر) صفدرکو 5 اگست کو اڈیالہ جیل میں طبعیت خراب ہونے پرسخت سیکیورٹی حصار میں پمز اسپتال کے امراض قلب پہنچایا گیا تھا جہاں تین رکنی میڈیکل بورڈ نے معائنے کے بعد انہیں پرائیوٹ کمرے میں منتقل کردیا تھا۔

اسلام آباد انتظامیہ نے پمزمیں کیپٹن ریٹائرڈ صفدر کے وارڈ کو سب جیل قرار دیا تھا۔

سابق وزیراعظم کے داماد کے ابتدائی ٹیسٹ میں ان کا شوگرلیول اور بلڈپریشر بڑھا ہوا تھا اور پیٹ میں شدید درد کی شکایت پرانہیں آرام کا انجکشن بھی لگایا گیا تھا۔

پمز اسپتال میں کیپٹن صفدر کا طبی معائنہ

بعدازاں میڈیکل بورڈ نے ٹیسٹ رپورٹ کا جائزہ لینے کے بعد مزید ٹیسٹ کے لیے نمونے لیبارٹری بجھوا دیے تھے۔

ایون فیلڈ ریفرنس: نوازشریف، مریم نواز اورکیپٹن صفدر کو قید کی سزا اور جرمانہ

واضح رہے کہ احتساب عدالت کی جانب سے 6 جولائی کو ایون فیلڈ ریفرنس میں نواشریف کو 11، مریم نواز کو 8 اور کیپٹن صفدر کو ایک سال قید کی سزا سنائی گئی تھی۔

کیپٹن ریٹائرڈ صفدر نوازشریف اور مریم نوازکے ساتھ راولپنڈی کی اڈیالہ جیل میں اپنی سزا پوری کررہے ہیں۔

Comments

comments

یہ بھی پڑھیں