کیپٹن صفدرکی طبعیت میں بہتری‘ اسپتال سےڈسچارج کردیا گیا -
The news is by your side.

Advertisement

کیپٹن صفدرکی طبعیت میں بہتری‘ اسپتال سےڈسچارج کردیا گیا

راولپنڈی : سابق وزیراعظم نواشریف کے داماد کیپٹن ریٹائرڈ صفدر کی طبعیت میں بہتری کے بعد انہیں اسپتال سے ڈسچارج کردیا گیا۔

تفصیلات کے مطابق کیپٹن ریٹائرڈ صفدر کی طبعیت میں بہتری کے بعد انہیں راولپنڈی انسٹیٹیوٹ آف کارڈیولوجی سے ڈسچارج کردیا گیا۔

سابق وزیراعظم نواشریف کے داماد کیپٹن ریٹائرڈ صفدر کوکچھ دیربعد سخت سیکیورٹی میں اڈیالہ جیل پہنچایا جائے گا۔

کپٹن(ر) صفدر کو اڈیالہ جیل منتقل کرنے کے لیے سیکیورٹی ہائی الرٹ کردی گئی، جیل منتقل کرنے کے لیے پولیس اورسیکیورٹی اداروں نے اقدامات شروع کردیے۔

خیال رہے کہ گزشتہ ہفتے سابق وزیراعظم نواشریف کے داماد کیپٹن ریٹائرڈ صفدر کی اڈیالہ جیل میں طبعیت خراب ہونے پر راولپنڈی انسٹیٹیوٹ آف کارڈیولوجی منتقل کیا گیا تھا۔

اس سے قبل رواں ماہ 5 اگست کو کیپٹن (ر) صفدرکو اڈیالہ جیل میں طبعیت خراب ہونے پرسخت سیکیورٹی حصار میں پمز اسپتال کے امراض قلب پہنچایا گیا تھا جہاں تین رکنی میڈیکل بورڈ نے معائنے کے بعد انہیں پرائیوٹ کمرے میں منتقل کردیا تھا۔

اسلام آباد انتظامیہ نے پمزمیں کیپٹن ریٹائرڈ صفدر کے وارڈ کو سب جیل قرار دیا تھا۔

ایون فیلڈ ریفرنس: نوازشریف، مریم نواز اورکیپٹن صفدر کو قید کی سزا اور جرمانہ

واضح رہے کہ احتساب عدالت کی جانب سے 6 جولائی کو ایون فیلڈ ریفرنس میں نواشریف کو 11، مریم نواز کو 8 اور کیپٹن صفدر کو ایک سال قید کی سزا سنائی گئی تھی۔

کیپٹن ریٹائرڈ صفدر نوازشریف اور مریم نوازکے ساتھ راولپنڈی کی اڈیالہ جیل میں اپنی سزا پوری کررہے ہیں۔

Comments

comments

یہ بھی پڑھیں