The news is by your side.

Advertisement

دبئی میں خاتون گاڑی لے کر دوکان سے جا ٹکرائی

دبئی: متحدہ عرب امارات کے شہر العین میں ایک خاتون ڈرائیور گاڑی لے کر دوکان میں جا ٹکرائیں ‘ جس کے سبب دوکان میں موجود ایک گاہک زخمی ہوگیا۔

تفصیلات کے مطابق یہ حادثہ دو روز قبل العین شہر کی عود التوبہ نامی سڑک پر پیش آیا ۔ خاتون ڈرائیور کی گاڑی موبائل شاپ کا شیشہ توڑ کر اندر داخل ہوگئی۔

عرب میڈیا کے مطابق خاتون حادثاتی طور پر شاپ سے جا ٹکرائی‘ اس موقع پر شاپ میں موجود دوکاندار اور گاہک نے جان بچانے کے لیے چھلانگ لگائی تاہم گاہک زخمی ہوگیا۔

car-crash

واضح رہے کہ مقامی ذرائع نے خاتون کی شناخت مخفی رکھی ہے اور حادثے کی وجہ بھی بیان نہیں کی ہے ۔یاد رہے کہ یہ کسی دوکان میں کار کریش کا پہلا واقعہ نہیں ہے اس سے قبل بھی متحدہ عرب امارات میں اس نوعیت کے مختلف واقعات رپورٹ ہوچکے ہیں۔ دسمبر 2016 میں ایک شخص شارجہ میں واقع منی ایکسچینج کی دوکان میں گاڑی لیے جا ٹکرایا تھا جس کے سبب ایک شخص جاں بحق اور ایک زخمی ہوا تھا۔

اس واقعے سے ایک ماہ قبل نومبر 2016 میں فجیرا میں ایک حادثہ پیش آیا تھا جب ایک ڈرائیور نے غلطی سے بریک کے بجائے اسپیڈ کا پیڈل دبادیا تھا جس کے سبب گاڑی ایک بیکری سے جاٹکرائی‘ اس حادثے میں دو افراد زخمی ہوئے تھے۔

Print Friendly, PDF & Email

Comments

comments

یہ بھی پڑھیں