ممبئی : بھارت میں ایک خوفناک واقعہ پیش آیا ہے جس کی ویڈیو دیکھنے والے دنگ رہ گئے، تیز رفتار کار ڈرائیور نے موٹر سائیکل سوار کو ٹکر ماری اور بائیک کو تین کلومیٹر تک گھسیٹتا ہوا لے گیا۔
تفصیلات کے مطابق بھارتی ریاست مہاراشٹر کے شہر ناگپور میں ایک دل دہلا دینے والا واقعہ پیش آیا ہے، ناگپور ایئرپورٹ روڈ پر گزشتہ رات ایک ڈرائیور کار کو انتہائی تیزی سے لے جا رہا تھا کہ اس نے راستے میں آنے والی موٹر سائیکل کو ٹکر دے ماری۔
तेज रफ्तार कार की चपेट में आने से बाइक सवार दो युवक गंभीर रूप से घायल हो गए।
.
.
.
.@powerofonenews
.
.#nagpur #nagpurpolice #crime #breakingnews #rashdriving #accident #nagpurshahar #police #citypolice #wardharoad #rajivnagar #nagpurcrime #crimenews pic.twitter.com/Ty0JqWQ3Fw— Power of One News (@POWEROF01) August 18, 2023
حادثے میں موٹر سائیکل سوار راکیش اور آکاش گر کر زخمی ہوگئے اور بائیک کا کچھ حصہ کار کے سامنے کے حصے میں پھنس گیا، ٹکر مارنے کے بعد کار سوار بجائے رکنے کے بائیک کو تقریباً تین کلومیٹر تک گھسیٹتا ہوا لے گیا۔
اس سڑک سے گزرنے والے دیگر لوگوں نے اس منظر اپنے موبائل کیمروں میں محفوظ کرلیا جس کی ویڈیو سوشل میڈیا پر تیزی سےوائرل ہو رہی ہے، ڈرائیور کی لاپرواہی اور سنگدلی پر لوگ شدید تنقید کر رہے ہیں۔
