کراچی : پولیس نے چوری ہونے والی کار چند گھنٹوں میں برآمد کرلی، ملزم فرار ہوتے ہوئے پولیس مقابلے میں مارا گیا۔
تفصیلات کے مطابق کراچی کے علاقے گلشن معمار کے قریب مبینہ پولیس مقابلہ ہوا ہے، جس میں ایک کار لفٹر ہلاک ہوگیا، ملزم ڈیفنس کے علاقے سے گاڑی چوری کرکے فرار ہوا تھا۔
پولیس نے واقعہ کی تفصیلات بیان کرتے ہوئے بتایا کہ چوری ہونے والی کار میں ٹریکر لگا ہوا تھا کس کی اطلاع فوری کے فوری بعد پولیس کو دے دی گئی تھی۔
ملزم نے نمازجمعہ کے وقت ڈیفنس کی ایک مسجد کے باہر کھڑی گاڑی چوری کی تھی، پولیس پارٹی اور اینٹی کار لفٹنگ سیل نے ٹریکر کی مدد سے کار کا پیچھا کیا۔
پولیس حکام نے بتایا ہے کہ ٹریکر کی مدد سے تعاقب ہوئے کرتے ہوئے کار تک پہنچے تو ملزم نے فائرنگ کردی، جواب میں پولیس کی کارروائی میں ملزم مارا گیا۔
مقابلے میں ہلاک ہونے والا ملزم نشے کی لت میں بھی مبتلا تھا، دوران تلاشی اس کی جیب سے آئس بھی برآمد ہوئی ہے۔