The news is by your side.

Advertisement

گاڑی کے ٹائرز کب خطرناک اور کب تک محفوظ ہوتے ہیں؟ جانیے !!

کسی بھی گاڑی کے ٹائروں کی ایک ختم ہونے والی تاریخ ہے جس کے بعد اسے تبدیل کیا جانا انتہائی ضروری ہے کیونکہ اس کے بعد ٹائر کے پهٹنے کا شدید اندیشہ ہوتا ہے جو دورانِ سفر‌ انتہائی خطرناک ثابت ہو سکتا ہے۔

یاد رکهیں بننے ( مینو فیکچرنگ ) کی تاریخ سے کسی بهی ٹائر کی محفوظ زندگی چار سال تک ہوتی ہے اب آپ سوچیں گے ٹائر تیار ہونے کی تاریخ کس طرح جان سکتے ہیں؟

فیکٹری سے تیار ہونے کے بعد گاڑی کا ٹائر کتنے سالوں تک محفوظ رہتا ہے؟اس بات کو جاننے کیلئے ہم آپ کو بتادیں کہ یہ تاریخ ہر ٹائر پر چار ہندسوں پر چھاپی ہوتی ہے۔ پہلے دو ہندسے تیاری کے ہفتے کی نشاندہی کرتے ہیں، جبکہ آخری دوہندسے تیاری کا سال بتاتے ہیں۔ یہ چار ہندسے ٹائر پر علیحدہ لکهے ہوتے ہیں، ان کے ساتھ حروف تہجی شامل نہیں کیے جاتے۔ یاد رہے کچھ کمپنیاں چار ہندسوں سے پہلے اور بعد میں اسٹار کا نشان بهی بناتی ہیں۔

مثال کے طور پر‌ اگر یہ چار ہندسے 4314 ہیں تو ان کا مطلب ہے کہ ٹائر سال 2014 کے 43 ویں ہفتہ یعنی ( نومبر کے تیسرے ہفتے) میں تیار کیا گیا تھا یعنی ‌اس ٹائر کی محفوظ میعاد 2018 کے 43 ویں ہفتہ میں ختم ہو جائے گی۔ لہذا آپ کو اس تاریخ کے بعد اپنی گاڑی کا ٹائر بدلنا ہوگا۔

کچھ کمپنیوں کے ٹائروں پر تیاری کی تاریخ نہیں بتائی جاتی یہ ایک سنگین جرم ہے۔ مینوفیکچرنگ کی تاریخ دیکهے بغیر ٹائر خریدنا ایسا ہی ہے جیسے مدت میعاد دیکهے بغیر ادویات کا استعمال‌ کرنا۔

مگر یہ بات اس سے بھی بدتر ہے کیونکہ خراب ادویات تو صرف ایک شخص کو تکلیف پہنچا سکتی ہیں جبکہ ٹائر کا پهٹنا گاڑی کے تمام مسافروں کی زندگی کو خطرے میں ڈالتا ہے۔

اب جب آپ یہ جان چکے ہیں تو تهوڑی سی تکلیف کریں، اپنی‌ گاڑی کے پاس جائیں، اور جهک کر اپنے ٹائر کی تیاری کی تاریخ کو چیک کریں، اور اس کے بعد سے 4 سال تک کی مدت میعاد یاد رکهیں، تاکہ آپ اور آپ کے پیارے ہر سفر میں محفوظ ہوں۔

fb-share-icon0
Tweet 20

Comments

comments

یہ بھی پڑھیں