ہالی وڈ اور بالی ووڈ فلموں میں اپنی شاندار اداکاری کے جوہر دکھانے والے پاکستانی نژاد برطانوی اداکار علی خان کہا ہے کہ میں نے بچپن میں بھارتی وزیر اعظم راجیو گاندھی کیلئے پرفارم کیا تھا۔
انہوں نے اے آر وائی زندگی کے پروگرام ’دی نائٹ شو ودھ ایاز سموں‘میں شرکت کی جہاں انہوں نے اپنی زندگی اور کیریئر کے حوالے سے متعدد باتیں شیئر کیں۔
میزبان ایاز سموں سے خصوصی گفتگو کرتے ہوئے انہوں نے اپنے ماضی کے بارے میں گفتگو کرتے ہوئے بتایا کہ میں نے اپنے کیریئر کا آغاز9 سال کی عمر میں ٹی وی سے نہیں بلکہ اس سے بہت پہلے تھیٹر سے کیا۔
انہوں نے بتایا کہ بچپن میں اردن کی ملکہ رانیا کیلئے لندن میں اور بھارتی وزیر اعظم راجیو گاندھی کیلئے ممبئی میں پرفارم کیا تھا۔
یاد رہے کہ علی خان کراچی میں پیدا ہوئے، تاہم کم عمری میں ہی وہ برطانیہ منتقل ہوگئے تھے اور ان کا بچپن بھارت میں بھی گزرا اور انہوں نے وہاں اسکول کی تعلیم بھی حاصل کی۔
علی خان نے اداکاری کا آٖغاز کم عمری میں بھارتی ڈراموں سے 1993 میں کیا تھا، جس کے بعد انہوں نے متعدد پاکستانی ڈراموں میں بھی کام کیا۔
انہوں نے بیک وقت برطانیہ، بھارت اور پاکستانی ڈراموں اور فلموں سمیت تھیٹرز میں بھی اداکاری کے جوہر دکھائے ہیں۔
