اسلام آباد: عدالت نے نگراں حکومت کو ایف بی آر کی ری اسٹرکچرنگ سے روک دیا۔
تفصیلات کے مطابق اسلام آباد ہائیکورٹ نے نگراں حکومت کو ایف بی آر کی ری اسٹرکچرنگ سے روک دیا ہے، اور ایف بی آر ری اسٹریکچرنگ کے لیے قائم کمیٹی کا 2 فروری کا نوٹیفکیشن معطل کر دیا۔
ایف بی آر کے افسر نے نگراں حکومت کے اقدام کو اسلام آباد ہائیکورٹ میں چیلنج کیا تھا، جس پر فیصلہ جسٹس میاں گل حسن اورنگزیب نے سنایا۔
- Advertisement -
درخواست گزار وکیل کا مؤقف تھا کہ یہ نگراں حکومت کا مینڈیٹ نہیں ہے، نگراں حکومت کو ایف بی آر کی ری اسٹرکچرنگ سے روکا جائے، انھوں نے عدالت کو بتایا کہ الیکشن ایکٹ 2017 کے تحت الیکشن کمیشن نے بھی ری اسٹرکچرنگ سے روکا تھا لیکن اس کے باوجود کمیٹی بنا دی گئی۔
نئی منتخب حکومت کو آتے ہی کس بڑی معاشی مشکل کا سامنا ہوگا؟
عدالت نے کیس کی سماعت کے بعد نگراں حکومت کو فیڈرل بیورو آف ریونیو کی ری اسٹرکچرنگ سے روکنے کا حکم جاری کر دیا۔
