اسلام آباد: ورلڈ ایتھلیٹکس چیمپئن شپ میں ارشد ندیم کی کامیابی پر نگران وزیراعظم انوالحق کاکڑ نے مبارکباد دی ہے۔
نگران وزیراعظم انوارالحق کاکڑ نے کہا ہے کہ ارشد ندیم کی کامیابی پاکستان کیلئے خوشی کا دن ہے، ارشد ندیم آپ نے قوم کو خوش اور سر فخر سے بلند کر دیا۔
نگران وزیراعظم نے ایکس پر جاری پیغام میں مزید کہا کہ بہترین اسپورٹس مین شپ کی بدولت آپ اورپاکستان کو سلور میڈل ملا۔
ارشد ندیم نے جیولن تھرو فائنل میں سلور میڈل جیت لیا
واضح رہے کہ جیولن تھروور اولمپئن ارشد ندیم نے ورلڈ ایتھلیٹکس چیمپین شپ میں پاکستان کے لیے تاریخ رقم کرتے ہوئےسلور میڈل جیت لیا۔
ارشد ندیم ورلڈ ایتھلیٹکس چیمپین شپ میں پاکستان کے لیے پہلا میڈل جیتنے والے ایتھلیٹ بھی بن گئے ۔
ہنگری کے شہر بڈاپسٹ میں ہونے والی چیمپئن شپ کے جیولن تھرو کے مقابلے میں ارشد ندیم دوسرے نمبر پر رہے جبکہ بھارت کے نیرج چوپڑا آدھے میٹر سے بھی کم فرق کی وجہ سے گولڈ میڈل جیتنے میں کامیاب ہوئے۔
