نگراں وزیراعظم انوارالحق کاکڑ نے کہا ہے کہ مسئلہ فلسطین کا فوری حل ناگزیر ہے، مشرقی وسطیٰ میں پائیدارامن دو ریاستی حل میں مضمر ہے۔
تفصیلات کے مطابق نگراں وزیراعظم کا اپن ٹوئٹ میں کہنا تھا کہ مسئلہ فلسطین کا فوری حل ناگزیر ہے۔ مشرق وسطیٰ میں پنپنے والی پرتشدد صورتحال پر افسردہ ہوں۔ صورتحال مسئلہ فلسطین کے فوری حل کی متقاضی ہے۔
انوارالحق کاکڑ نے کہا کہ ہم شہریوں کی حفاظت، دونوں اطراف سے تحمل کا مطالبہ کرتے ہیں۔ مشرق وسطیٰ کا امن دو ریاستی حل میں پوشیدہ ہے۔
انھوں نے کہا کہ مشرق وسطیٰ کا حل خودمختار ریاست فلسطین میں مخفی ہے۔ فلسطین کو فوری طور پر خودمختار ریاست، القدس کو دارالحکومت بنایا جائے۔
