قومی اسمبلی کا اجلاس 13 اگست کوبلایا جائے، نگراں وزیراعظم کی صدر کو سمری
The news is by your side.

Advertisement

صدر ممنون حسین نے 13اگست کوقومی اسمبلی کااجلاس طلب کرلیا

اجلاس  نگراں وزیراعظم ناصر الملک کی ارسال کردہ ایڈوائس پرطلب کیاگیا

اسلام آباد: صدر پاکستان ممنون حسین نے 13اگست کوقومی اسمبلی کااجلاس طلب کرلیا۔

تفصیلات کے مطابق صدر پاکستان نے اجلاس  نگراں وزیراعظم ناصر الملک کی بھیجی گئی ایڈوائس پرطلب کیا۔

واضح رہے کہ آج نگراں وزیر اعظم نے صدر پاکستان ممنون حسین کو قومی اسمبلی کا اجلاس 13 اگست کو بلانے کی سمری ارسال کی تھی.

سمری میں قومی اسمبلی کا اجلاس 13 اگست کو بلانے کی سفارش کی گئی،  مذکورہ اجلاس میں نومنتخب ارکان حلف لیں گے.

واضح رہے کہ خیبرپختنونخواہ اسمبلی کا اجلاس بھی تیرہ اگست کو طلب کیا گیا ہے، پنجاب اسمبلی کااجلاس بھی تیرہ کوہی بلانےکاامکان ہے.

فواد چوہدری کا موقف

پی ٹی آئی ترجمان فواد چوہدری کا کہنا ہے کہ 13 اگست کو اجلاس ہوا، تو پھر وزیراعظم کا انتخاب 16 تاریخ کوممکن ہے.

ترجمان پاکستان تحریک انصاف کا کہنا تھا کہ اسمبلی کا اجلاس بلانا حکومت وقت کا فیصلہ ہوتا ہے، نگراں حکومت نے13اگست کواجلاس کی سمری بھیجی ہے.

مزید پڑھیں:  پاکستان تحریک انصاف کا قومی اسمبلی میں 180ممبران کی حمایت کا دعویٰ

ان کا کہنا تھا کہ اگر ایسا ہو، تو 16 اگست کوعمران خان وزیر اعظم کا حلف اٹھا سکتے ہیں۔

یاد رہے کہ آج پی ٹی آئی نے دعویٰ کیا تھا کہ پی ٹی آئی اوراتحادیوں کا قومی اسمبلی میں نمبر180 کراس کرگیا ہے، تحریک انصاف کووفاق میں بڑی کامیابی بی این پی(مینگل) کی حمایت کے بعد ملی۔

Comments

comments

یہ بھی پڑھیں