نگران وزیراعظم نے جڑانوالہ میں پیش آنے والے واقعے کا نوٹس لے لیا، قانون کی خلاف ورزی کے مرتکب عناصر کے خلاف سخت ایکشن لینے کی یقین دہانی کرادی۔
اے آر وائی نیوز کے مطابق نگران وزیراعظم انوارالحق کاکڑ نے فیصل آباد کےعلاقے جڑانوالہ میں پیش آنے والے واقعے کا نوٹس لے لیا، ان کا کہنا تھا کہ قانون کی خلاف ورزی کے مرتکب عناصر کے خلاف سخت ایکشن ہوگا۔
انوارالحق کاکڑ کا اپنی ٹوئٹ میں کہنا تھا کہ مجرموں کو انصاف کے کٹہرے میں لانے کے لیے متعلقہ اداروں کو ہدایت جاری کردی ہیں۔
- Advertisement -
نگران وزیراعظم نے کہا کہ یقین دلاتا ہوں کہ حکومت برابری کی بنیاد پر تمام شہریوں کے ساتھ کھڑی ہے۔