اسلام آباد: وفاقی وزیر داخلہ محسن نقوی نے سفارتکاروں کی سہولت کیلیے قائم کیے گئے ’کیس کیڈ‘ خدمت مرکز کا افتتاح کر دیا۔
وزیر داخلہ محسن نقوی نے بتایا کہ کیس کیڈ کے تحت ڈپلومیٹک انکلیو میں غیر ملکی شہریوں کو 12 سے زائد خدمات ایک چھت تلے ملیں گی، ڈرائیونگ لائسنس کے اجرا و تجدید، کریکٹر سرٹیفکیٹ کی سہولت میسر ہوگی۔
محسن نقوی نے بتایا کہ پولیس تصدیق، گمشدگی رپورٹ، کرایہ داروں کی رجسٹریشن کی سہولت بھی ہوگی جبکہ غیر ملکیوں کی رجسٹریشن، گھریلو ملازمین کی رجسٹریشن کی خدمات مہیا کی جائیں گی۔
- Advertisement -
انہوں نے بتایا کہ سفرا اور غیر ملکیوں کی سہولت اور حفاظت کیلیے ہر ممکن اقدامات کو یقینی بنا رہے ہیں، خدمت مرکز میں سفارتکاروں اور غیر ملکی شہریوں کو تمام سہولیات ایک چھت تلے ملیں گی۔
