اسلام آباد : چیف جسٹس قاضی فائز عیسیٰ نے 10 تولہ سونا نہ دینے سے متعلق ساس کی اپیل خارج کردی۔

تفصیلات کے مطابق ساس بہوکی لڑائی کا معاملہ سپریم کورٹ پہنچ گیا، چیف جسٹس پاکستان قاضی فائزعیسیٰ کی سربراہی میں 3 رکنی بینچ نے سماعت کی۔

چیف جسٹس پاکستان نے استفسار کیا کہ اس کیس میں دونوں اطراف خواتین کیوں ہے؟ ساس کااس کیس سےکیاتعلق ؟ وکیل ذوالفقار نقوی نے بتایا کہ یہ جھگڑاساس اوربہوکےدرمیان ہی ہے، تنازع بھی 10 تولے سونے کا ہے۔

چیف جسٹس پاکستان نے سوال کیا کیابہوکوطلاق ہو چکی ہے؟ وکیل ساس ذوالفقارنقوی کا کہنا تھا کہ جی طلاق ہو چکی اور3بچےبھی ہیں، جس پر جسٹس قاضی فائز عیسی نے پوچھا حق مہرکتناتھا؟ تو وکیل نے جواب دیا 2 ہزارروپے حق مہر تھا۔

چیف جسٹس نے کہا کہ 3بچوں کی ماں کو 10 تولہ سونے دینے میں کیا مسئلہ ہے، چیف جسٹس قاضی فائز عیسیٰ نے 10تولہ سونانہ دینےسےمتعلق ساس کی اپیل خارج کردی۔

10تولے دینے کے ہائیکورٹ کےحکم کیخلاف سپریم کورٹ سےرجوع کیا گیا تھا۔