کراچی : پولیو ٹیم سے نارو اسلوک پر مقدمہ درج کرکے 3 ملزمان کو گرفتار کرلیا گیا، ٹیم پر ڈنڈے ، جھاڑو اور دیگر اشیا سے حملہ کیا گیا۔
تفصیلات کے مطابق کراچی کے علاقے ناظم آباد بلاک 3 میں پولیو ٹیم سے نارواسلوک پر مقدمہ درج کرلیا گیا۔
پولیس نے اے ایس آئی کی مدعیت میں درج مقدمے میں 3 ملزمان کو گرفتار کیا گیا ہے۔
مقدمے کے متن میں کہا گیا ہے کہ خاتون نے بچوں کو پولیو سے بچاؤ کے قطرےپلانے سے منع کیا اور لیڈی کانسٹیبل پر ہاتھ اٹھایا، مغلظات بکیں۔
ایف آئی آر میں کہنا تھا کہ ٹیم پر ڈنڈے،جھاڑواوردیگراشیاسےحملہ کیا گیا جبکہ خاتون کے شوہر اور بھائی نے جان سے مارنے کی دھمکیاں بھی دیں۔
