جیکب آباد: سوئی گیس کے 3 ملازمین کے اغواکا مقدمہ 6 روز بعد درج کرلیا گیا، مقدمے میں مچھو بنگلانی ڈاکو گینگ کے 13 ملزمان کو نامزد کیا گیا ہے۔
تفصیلات کے مطابق سوئی گیس کے 3 ملازمین کے اغواکا مقدمہ 6 روز بعد درج کرلیا گیا، بی سیکشن پولیس نے ڈرائیور کی مدعیت میں درج کیا۔
پولیس نے بتایا کہ مقدمےمیں مچھو بنگلانی ڈاکو گینگ کے 13 ملزمان کو نامزد کیا گیا ہے اور مقدمے میں 8 نامعلوم ملزمان کو بھی شامل کیا گیا ہے۔
ڈرائیوراخترعلی نے بتایا کہ گیس پائپ لائن چیک کرنے آئے تو ڈاکوؤں نے افسران کواغواکرلیا اور مجھے رہا کرتے ہوئے کہا جاو تاوان کا بندبست کرو۔
مزید پڑھیں : ڈاکوؤں نے سوئی گیس کے ملازمین کو اغوا کر لیا
یاد رہے ڈاکوؤں نے ڈیوٹی پر جانے والے سوئی گیس ملازمین کو یرغمال بنا لیا تھا، پولیس کا کہنا تھا کہ ملازمین گیس کا وال چیک کرنے کیلئے گئے تھے جہاں انہیں مسلح افراد نے اغوا کر لیا ، جن میں زاہدحسین ابڑو، انجینئر عبدالقیوم، گارڈ اصغر نوناری شامل ہیں۔
اغوا کی واردات بی سیکشن ٹھل تھانےکی حدود نصیر شاخ کے قریب کی گئی تھی اور مسلح ڈاکو گیس کمپنی کے ڈرائیور اور گاڑی واردات کی جگہ پرچھوڑ گئے تھے۔
