اسلام آباد : پولیس نے9 مئی کو توڑ پھوڑ اور اداروں کیخلاف بغاوت پر اکسانے کے الزام میں اینکر صابر شاکر، معیدپیر زادہ اور سید اکبر حسین کیخلاف مقدمہ درج کرلیا۔
تفصیلات کے مطابق نو مئی کو سوشل میڈیا کے ذریعے اداروں کیخلاف بغاوت پر اکسانے اور توڑپھوڑ کے الزام میں صحافی صابرشاکر،معید پیرزادہ اور سید اکبر حسین کیخلاف مقدمہ درج کر لیا گیا۔
مقدمہ تھانہ آبپارہ میں انسداد دہشت گردی اوربغاوت کی دفعات کےتحت درج کیا گیا ہے، ایف آئی آر کے متن میں کہا گیا ہے کہ ملزمان نے ویڈیو پیغامات اور سوشل میڈیا کے ذریعے سادہ لوگوں کواکسایا۔
متن میں کہنا تھا کہ ملزمان عسکری تنصیبات پر حملہ کرکےملک میں بغاوت اورانتشارپھیلاناچاہ رہے تھے اور منظم سازش کے ذریعے غیرملکی اور دشمن ایجنسیوں کے آلہ کار بنے ہوئے ہیں۔
