اسلام آباد : فیکٹ فائنڈنگ کمیٹی میں ارشد شریف پر مقدمات درج کرانے والے 9 افراد میں سے صرف 2 افراد پیش ہوئے اور دونوں افراد نے اہم انکشافات کیے۔
تفصیلات کے مطابق ارشد شریف قتل کیس میں مقدمے کے مدعی نے کراچی میں اے آر وائی اور ارشدشریف پر مقدمہ درج کرانے سے متعلق سب بتا دیا۔
ارشد شریف قتل کیس میں فیکٹ فائنڈنگ کمیٹی کی رپورٹ میں بتایا گیا ہے کہ مقدمات درج کرانے والے 9 افراد میں سے صرف 2 افراد پیش ہوئے، کمیٹی میں پیش ہونے والے دونوں افراد نے اہم انکشافات کیے۔
رپورٹ میں کہا گیا کہ اے آرو ائی اور ارشدشریف پر مقدمات ضابطے کے تحت درج نہیں کرائے گئے اور ارشد شریف ، اے آروائی کیخلاف مقدمات میں حکومت کی منظوری نہیں لی گئی۔
رپورٹ میں کہنا ہے کہ ارشد شریف اور اے آروائی کے خلاف مقدمات درج کرنے والوں کو طلب کیا گیا،ارشد شریف پر پاکستان میں درج تمام مقدمات قواعد وضوابط کیخلاف ہیں۔
