ہفتہ, فروری 15, 2025
اشتہار

سراج الحق پر حملے کا مقدمہ سی ٹی ڈی تھانے میں درج

اشتہار

حیرت انگیز

ژوب : امیر جماعت اسلامی سراج الحق پر حملے کا مقدمہ درج کرلیا گیا، ذرائع نے بتایا حملے میں دو کلوگرام بارودی مواد استعمال ہوا۔

تفصیلات کے مطابق بلوچستان کے ضلع ژوب میں امیر جماعت اسلامی سراج الحق پر حملے کا مقدمہ سی ٹی ڈی تھانےمیں درج کرلیا گیا۔

ذرائع بی ڈی ایس نے بتایا کہ حملے میں دو کلوگرام بارودی مواد استعمال ہوا تاہم بال بیرنگ پھٹ نہ سکا ،جس سے کم نقصان ہوا۔

ذرائع کا کہنا ہے کہ جائےوقوعہ سے ایک ہینڈ گرنیڈ بھی برآمد ہوا ہے تاہم ہلاک ہونیوالے حملہ آور کی لاش ڈی ایچ کیو اسپتال منتقل کردی گئی ہے۔

واقعے کے خلاف آل پارٹیز ایکشن کمیٹی نے کل شٹر ڈاؤن ہڑتال کا فیصلہ کرلیا ہے۔

گذشتہ روز ژوب میں جماعت اسلامی پاکستان کے قافلے پر خودکش دھماکے میں امیر جماعت اسلامی پاکستان سراج الحق محفوظ رہے تھے جبکہ خودکش حملہ آور ہلاک اور جماعت اسلامی کے چھ کارکن زخمی ہوئے۔

پولیس ذرائع نے بتایا تھا کہ امیر جماعت اسلامی پاکستان ایک روزہ دورے پر آج ژوب پہنچ رہے تھے جس کے لئے ایک بڑا جلوس شہر سے آٹھ کلومیٹر دور کوئٹہ قومی شاہراہ پر استقبال کے لئے موجود تھا، جیسے ہی سراج الحق اور ساتھی جلوس کے ہمراہ جلسہ گاہ کے لئے شہر کی جانب رواں دواں تھے کہ اس دوران ایک خودکش حملہ اور نے سراج الحق کی گاڑی کے قریب پہنچ کر خود کو دھماکے سے اڑا لیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں