کراچی : پولیس نے پی آئی بی کے قریب ڈرامے کی شوٹنگ میں فنکاروں پر حملے کا مقدمہ درج کرکے 6 افراد کو گرفتار کرلیا۔
تفصیلات کے مطابق کراچی کے علاقے پی آئی بی کے قریب ڈرامے کی شوٹنگ میں فنکاروں پر حملے کا مقدمہ درج کرلیا گیا۔
مقدمہ جمشیدکوارٹر تھانے میں پروڈیوسرعلی حسین کی مدعیت میں درج کیا گیا ہے۔
- Advertisement -
مدعی علی حسین نے بیان میں کہا کہ پی آئی بی کالونی میں ایک گھر میں شوٹنگ کررہے تھے کہ شوٹنگ کے دوران 40 سے 50 افراد نے حملہ کیا۔
مدعی مقدمے نے بتایا کہ حملہ آوروں نے 5 ساتھیوں اور ملازمین کو زخمی کیا اور ساتھ ہی ریکارڈنگ ،پروڈکشن کا قیمتی سامان بھی چھین لیا۔
مدعی علی حسین کے مطابق مکان مالک نےبتایاحملےمیں پڑوسی محمدعلی ،اسکا بھائی قاسم ملوث ہیں ، حملہ آوروں میں احد اور حسن سمیت دیگر افراد شامل ہیں۔
پولیس نے مقدمے میں نامزد 6 افراد کو گرفتار کرلیا ہے۔
