ساہیوال میں : داسو ڈیم حملے کے ماسٹر مائنڈ 2 دہشت گردوں کی ہلاکت کا مقدمہ بارہ دہشت گردوں کیخلاف درج کرلیا گیا۔
تفصیلات کے مطابق ساہیوال میں گزشتہ روز مقابلے میں 2 دہشت گردوں کی ہلاکت کا مقدمہ تھانہ بہادرشاہ میں درج کرلیا گیا، 12 دہشت گردوں کیخلاف 11 دفعات کے تحت مقدمہ درج کیا گیا۔
مقدمے میں کہا گیا کہ داسو ڈیم حملے میں ملوث دہشت گردوں کوہائی سیکیورٹی جیل سےدوسری جیل منتقل کیا جا رہا تھا، اورنگا آباد کے قریب 12دہشت گردوں نے اپنے ساتھیوں کو چھڑانے کیلئے فائرنگ کی۔
متن میں کہنا تھا کہ فائرنگ سےقیدی وین کاٹائرپھٹ گیا،پولیس نےبھی اپنی پوزیشن سنبھال لی تھی کہ دہشت گردوں نےقیدی وین کےدروازےکاتالاتوڑکر ساتھیوں کوباہرنکالا، دہشت گردوں سےمقابلےمیں 2پولیس اہلکاروں کو گولیاں لگیں تاہم بلٹ پروف جیکٹ پہننےکی وجہ سےدونوں اہلکاربچ گئے۔
ایف آئی آر میں مزید کہا گیا کہ دہشت گردوں کی فائرنگ سےپولیس گاڑیوں کوبھی نقصان پہنچا۔
