The news is by your side.

Advertisement

وائٹ ہاؤس کا نیا مکین کون؟ جان کر ہوجائیں حیران

امریکی صدر جو بائیڈن کی سرکاری رہائشگاہ وائٹ ہاؤس میں نئے مکین کا اضافہ ہوا ہے جو ان کی پالتو بلی ’وِلو‘ ہے۔

امریکی خاتون اول جِل بائیڈن نے اپنی پالتو بلی کو وائٹ ہاؤس میں متعارف کرادیا ہے۔

ایک غیرملکی خبررساں ایجنسی کے مطابق جل بائیڈن کی 2سالہ پالتو بلی جس کا نام اس کی مالکن نے پنسلوینیا میں اپنے آبائی شہر ولو گروو کی مناسبت سے رکھا ہے۔

جِل کے ترجمان مائیکل لاروسا کے مطابق 2020 میں ایک انتخابی مہم کے دوران جل بائیڈن کی ملاقات ولو (بلی) سے ہوئی تھی، جو ایک فارم پر رہتی تھی۔

ترجمان نے بتایا کہ 2020 میں ایک انتخابی مہم کے دوران جب وِلو نے چھلانگ لگائی تو جل بائیڈن اس کی طرف متوجہ ہوئیں اور ان کے درمیان قربت دیکھ کر فارم کے مالک نے کہا کہ ’’ولو کا تعلق ڈاکٹر جل بائیڈن سے ہے۔‘‘

امریکی صدر جو بائیڈن کی اہلیہ نے گزشتہ اپریل میں کہا تھا کہ بہت جلد ایک مادہ بلی ان کے خاندان کا حصہ بن جائے گی۔

مائیکل لاروسا کا مزید کہنا تھا کہ سبز آنکھوں والی بلی ولو وائٹ ہاؤس میں اپنے پسندیدہ کھلونوں کے ساتھ انتہائی خوش ہے  اور  آرام دہ ماحول میں رہ رہی ہے۔

اس سے قبل دسمبر میں امریکی صدر جوبائیڈن کے وائٹ ہاؤس میں چار ماہ کے ایک جرمن شیفرڈ کتے کو لایا گیا تھا، جس کا نام کمانڈر ہے۔

واضح رہے کہ سابق صدر جارج بش کے دور میں بھی وائٹ ہاؤس میں ایک بلی مقیم رہی، جس کا نام انڈیا تھا۔

Comments

یہ بھی پڑھیں